$700,000 atuttaugatsak sanagiagiamut, piusiumititsilutillu ikumanik asikKitailigiamut ammalu sanagiallugit illungita Kulângit Nainimi Hopedalemilu

Nunatsiavut kavamanga ullumi uKajuk atausiatuinnalutik kenaujanik $700,000-tut, akingit agvagettitautillugit 50-50 Newfoundland Labradoriullu Illuligijinginnut, piungitummaginnik sanagiattaugialinnik illunik sanallutik Nainimi Hopedalemilu.

“Illusait Pigumajaujut Kaujisattausimaningit nunagijanni maggoni jâriulauttoni takutitsigiammagikKut angijummagimmik illusaKangituk Nainimi Hopedalemilu,” uKajuk Nunatsiavut AngajukKânga Sarah Leo. “Tâkkua nunalet piluattumik uKumaitsavut ninniugautidlutik ammalu angiggasaKangitunut. Ilangit, unuttut inuit pivitsaKatsiangitut onattisigiamik illuminik.”

SuliaKagasuajut angiggaujunik sanagiallutik kenaujaliutsiaKattangitunut ilagenut ammalu piusiumitigasuallugit ikumatigut asikKitailigiamut sanagiallugit Kulângit iluppiatâllugit, atullutik asinginnik iluppiasajanik ammalu iluppianik asinginnik atuttausonik, piusiumititsigiagasuallutik anugatâgunnaitillugit illungit.

MontreallimiutakFournier Gersovitz Moss Drolet et Assoies Architectes (FGMDA) kântraktititaugasuajut illuligijingit tagvainak sanagiagiamut sanagiattaugialinnik ilaugunnatut illungit sanagiattautillugit. FGMDA silatsualimâmi atuttauKattasimalittuk akuninut jârinut angiggaujunik sanagiadlutik ammalu sanajiuKattadlutik ilonnâni Nunavik ammalu Nunavummi. Kampaniujuk pijagetainnasimalauttuk illuliudlutik ulugianattumejunik kamagijaugialinnik ammalu illuit ilutsingita charette Nunatsiavummi.

Isumatsasiugutaugiamut tamatsumunga suliagijaugasuajumut, illulet tatattuigialet tatattuganik.

“Nunatsiavut kavamanga suliaKaniattuk pivallialuni akuninut pannaigutimmik kamagiamut illusanik ilonnaini nunalittini,” uKajuk AngajukKâk Leo. “kenaujait uKautaukKaugaluattilugit ullumi atugatsait ikittunut sittutitsigiamut ilanginnik illunut ilingajunik, pigunnatitsiniattuk piungitummaginnik sanagiasillutik uvani jârimi.

Kinugautet pitâgijaugunnatut suliaKapvinganit Nunatsiavut kavamangani Nainimi, ammalu SuliaKapvingani Inositsiagittotitsigasuannimut Pivalliataugutinullu suliaKapvingani ammalu Nunatsiavut katimajitsuangita illungani Hopedalemi.

KINUGAUTIK SANAGIATTAUGIAMUT NUNATSIAVUT KAVAMANGANI

Kaujigatsanik Kaujimattisiji:
Bert Pomeroy
Aulatsiji Kaujigatsanik
(709) 896-8582