AngajukKap Tullia, AngajukKaunet katimajingit,UKalajik taijaujut

Mai 13, 2014
Tapvainak Tusagatsak

Nunatsiavut kavamanga nutamik AngajukKap TullianejuKalittuk, AngajukKaunet katimajinginnik amma UKalajimmik Nunatsiavut katimajitsuanginni. InuttaKaujut ullumi pingajuani katimatillugit Nunatsiavut katimajitsuangit Hopedale-imi.

Kate Mitchell, kiggatuttik Makkovimmi, angnigijaukKaujuk AngajukKap Tullingegiamik asinginnut katimajinnut katimajitsuani, AngajukKap Tullianejuk kamaKattajut Nunatsiavut AngajukKaunet katimajinginnik, Ministeriullunilu SuliaKapvingani Nunatsiavut Suliagigialinginni ukununga:

(a) akKigiattauningani Labradorimi Inuit Nunamik Satusaisimannimut    AngiKatigegutinga;

(b) aulatauningit maligatsaligijet ikKatuijellu pigumajangit Nunatsiavut kavamangata;

(c) ilaliutigunnanik ilijaugunnanillu IkajuttaugutiKalluni Labradorimi Inuit Nunamik Satusaisimannimut AngiKatigegutinganut ;

(d) aulatsiluni Nunatsiavut kavamangata nunalet piKutinginnik; amma:

(e) illusanginnik Inuit .

 

Tamagik AngajukKak amma AngajukKap Tullianejuk itsivaKataujok Nunatsiavut AngajukKaunet katimajinginni. Asingit NEC, kiggatuttet Nunatsiavut kavamanganut, ilautitsijut:

 

Minister Angnigusupvik SuliaKapvinga
Daniel Pottle Canada kenaujaligijik, Inuligijik   amma Kagitaujaligijik
Darryl Shiwak Rigolet Nunaligijet   Piviannatugijanginnilu
Gregory Flowers Hopedale Inositsiaginimmut amma   Inuguset Pivalliagutinginnut
Patricia Kemuksigak Upper Lake Melville Ilinnianimmut amma kenaujatigut   Pivalliagutausonut
Richard Pamak Nain IlikKusiliginnimut,   Pinguatuliginimut amma Niuggukatattisinnimut

 

Malilluni killigiudjijuKannimik Ministerinik, katimajitsuat angnigusulauttut Sean Lyall, kiggatuttimik Nainimiunik, nutangulluni UKalajiulluni.

 

Kaujisapviugunnatuk:

Bert Pomeroy

Aulatsijik Tusagatsaliginnimut

(709) 933-3377, 896-8582