Inuit sananguagangit mitsugangillu takutsaulâttut nunatsuami

Nunatsiavut kavamanga Kuviasujuk uKagiamik sivullipâmmagimmik silatsualimâmi takutsaulâttut Labradorimi Inuit sananguagangit mitsugangillu.  Takutsaulâttut, SakKijâjuk, angmataulâttuk Happy Valley-Goose Baymi Novemberami, ammalu ilangaulâttut ullusiugutaullutik senangani ullusiujuKatillugu Labradorimi Inuit Nunamik Satusaijet AngiKatigegutinganik ammalu sakKititausimaninga Nunatsiavut.

“SakKijâjuk sakKititsilâttuk tataminattunik ammalu piusinginnik Inuit sananguaganginni mitsuganginnilu sanajausimajunik Nunatsiavummi,” uKajuk Nunatsiavut Ministeringa IlikKusiliginimmut, Pinguatuliginimmut Niuggunimmiuu, Sean Lyall.  Tamanna takugatsak pitaKattisilâttuk pivitsasianik sakKititsigiamut Nunatsiavut  sananguatinginnik mitsutinillu silatsualimâmi ammalu nanituinnak Inuit sananguaganginnik aullaigatsanik ammalu Inuit sananguatausimajut siagunitangit.”

Takugatsait Happy Valley-Goose Baymelâttut November 19-mi, ammalu tigulajausimajut sanajaumajut aititaulâttut The Rooms Prâvinsimi TakugatsaKautimut St. John’simi sivungani aullatitaukKâgatik takugatsautillugit pigianningani 2016.  Ikajutsitaullutik Tasiujatsoak kenaujakkuvinganut, allatausimajut, Kagitaujamettut, ammalu naittuit taggajât takugatsautillugit unuttut Inuit sananguatet ammalu mitsutellu sakKijâttitaulâttut.  Sananguatet ilauKataujut takugatsanut ilauttitaulâttut Happy Valley-Goose Baymi ilaugiattulutik angmaijuKalippat ammalu ilauKataullutik prâvinsimi sivullipâmmagimmik NunaKakKâsimajut sananguatinginnut katimajunut, ikajuttiKallutik Newfoundland Labradoriullu Sananguatingita katimajinginnik.

Nunatsiavut sananguatinga, aulatsijinga ammalu ilinniatitsijik, Dr. Heather Igloliorte, aulatsilâttuk takugatsanik atuttautillugit Aulatsilutik Inuit PiusituKanginnik Suliangusimajunik,ilautillugu SuliaKapvinga IlikKusiligijet, Pinguatuligijet Niuggunimmilu Nunatsiavut kavamanganit, Torngat Sananguatuligijingit Mitsutellu ammalu The Rooms Prâvinsii Sananguatuligijinginni Takugatsait.  Takugatsait pannaitaujut Kaujimattitaunginnatillugit ilauKataunginnatillugillu sananguatet mitsutellu tamâginni iluani silatinganilu Nunatsiavut, ammalu takutsautitsilâttut tataminattunik Inuit siagunitanginnik, KaujimajatuKanginnik illinattunillu.

Dr. Igloliorte suliaKattingillu Labradorimelâttut uvani takKimi Kaujimattisigiamut katimatitsigiattutillugu pigiasigiattulilluni Kagitaujanut iliukKailuni piusinginnik naittunillu taggajânik.  KaujisagiallagunnaKusi Kagitaujatigut uvani www.michnunatsiavut.org, ubvalu uvani ‘2015 Nunatsiavut Art and Craft Exhibition’ Facebook page.

Kaujigatsanik Apitsutaugunnatuk:

Bert Pomeroy

Aulatsiji Kaujigatsanut

(709) 896-8582