Mertz 26 nalunaititsivuk 40 jâringanik Labradorimi Inuit katutjiKatigenninganik

Labradorimi Inuit nalunaititsiniakKuut ikKanammagittumik Donerstâgimi 40-tingani ullusiunninganik timinguttitaulaummanit Labradorimi Inuit katutjiKatigeninga.

LIA pigiasittaulaugaluattilugu October 1973-mi, kisiani ilitagijaugiasilaukKuk timingutitaudluni Mertz 26, 1973-mi.

“Timingutitausimaninga LIA kiggatunniKasimavuk nutâmik piusiujumik inuKutittinut, ilitagijauliaKititsidluni kavamatigut prâvinsimi ammalu silatsualimâmi,” uKajuk Nunatsiavut AngajukKânga Sarah Leo.  “Tikidlugu 30 jâret LIA suliaKappâlauttuk piusiumititsigasuadluni ilikKusinik, inositsiaginnitinik ammalu inonnitinik, ammalu Maligatsasuattinik, namminik aulatsigiamik ammalu inuit pivitsanginnik.

Nunatsiavut kavamanga takunnaKattavuk timingutitausimajunik ammalu pimmagiuninga LIA ullusiuttaugiaKaninga ullunga.

LIA asiangutitausimavuk Nunatsiavut kavamangaulittilugu December 1, 2005-mi kingullituinnaudluni kajusittitausimaninga Labradorimi Inuit Nunamik Satusaijet AngiKatigegutinga Jonimi taitsumanitsainak jâringani.

Kaujigatsanik Kaujisapviusok:

Bert Pomeroy

Kaujigatsanik Aulatsijik

(709) 896-8582