NiKitsatannik Tingmianik Nunalinni 12-E (Upper Lake Melville-mi)

Kaujititsiutik Labradorimi Inunnik iniKajunik Labrador silatingani Labradorimi Inuit Satusasimajanginni Nunani (LISA) pitjutigillugit upingasâmi NiKitsatannik Tingmianik Nunalinni 12-E (Upper Lake Melville-mi)

Atâni Labradorimi Inuit Nunamik Satusasimajangita AngiKatigegutingani Inuit inilet Labrador silatingani LISA pigunnatut omajunnialutik Tingmianik upingasângutillugu Nunalet 12-E (Upper Lake Melville-mi).  Tamanna pigunnatitaunik atuttausimalittuk nainani jârini pigiasidlutik December 1, 2005-minit tikidlugu November 30-mut 2014.

Nunatsiavut kavamanga unuttumaginnik uKâlautiKaKattasimalittuk Avatinik Canadami ottugasuadlutik satusaigiamik ilatsigiagiamut, tâvatuak angittausimangilagut angiKatigegutikkut ilatsigiagiamut tamakkuninga pivitsaujunik Kângisimalittumi December 2014.

Nunatsiavut kavamanga KaujimakKujijuk Labradorimi Inunnik iniKajunik Labrador silatingani LISA taikkua pivitsaKagunnaitut niKitsatagiamik Tingmianik Nunalinni 12-E (Upper Lake Melville-mi).  Ikajuttaugutilet kajusimaniattut niKitsatagiamik Tingmianik tamâni nunami, tâvatuak maligialet taikkuningatsainak maligatsanik malittaugialet omajunniagiamut ilonnainut inilinnut prâvinsimi ilautillugit angmaKattaningit matuttauvigiKattajangillu ulluit, Katsinik pisongummangâta, Kukiutingit ammalu sakkungit maligatsaKatillugit.

KaujisagiallagunnaKusi, apitsulugit nunatsini Nunatsiavut kavamangata AsikKitailinimmut kamajingit ubvalu Omajuliginimmut Aulatsijik uvani 709-479-1043.