Nunatsiavut kavamanga KuviasotiKangitut kipijaummimata kingupvait pijaugunnaningit

Aprel 10, 2014
Tapvainak Tusagatsak

Nunatsiavut kavamanga isumaKavuk ikilligiattausimanningit taggami kingupvait pijaugunnaningit uKausiulauttut wogiulauttumi Oganniatuliligijinnut Imappiligijinnulu  Canada-mi  apvianinganik Maligatsasuatigut – paigijauninga Labrador Inuit Nunamik Satusaisimannimut AngiKatigegutinga , uKajuk Nunatsiavut First Ministeringa amma Ministeriujuk Nunaliginnimut Piviannatunginullu , Darryl Shiwak.

 

“Isumagijavut pivitsalagigialivut sâlaKagialet federalliup kavamangata maligatsanganik pillugit kingupvait pijaugunnanginnit,” uKajuk Minister Shiwak. “Isumagennatavut  tânna Labrador Inuit Nunamik Satusaisimannimut AngiKatigegutik pivitsaKatitsijuk  Nunatsiavut kavamanganik  11 per cent pijaugunnainginnik kingupvait Imani kangidlumettuni amma ilingajuni Labrador Inuit Satusasimajanginnut Nunanut. Sulli Labradorimi Inuit ilauKatauningit sulli tikiutilungimata ogannianiujummi, kipiullutaunet ilingagiaKalungitut Nunatsiavut kavamanganut. Asiangungâk, angiligiattaugialet pigunnatavut.”

 

kipijaujut 10 per cent iluani kingupvaniapviusop 5, amma sakKititaullutik atâgut  DFO’s Last in First out (LIFO) (kingullipât Sivullipaullutik pijagettut)  maligatsanginni  tigujaulauttut nâningani 1990s, sivungagut atitâttauKâttinagut  Labrador Inuit Nunamik Satusaisimannimut AngiKatigegutinga.

 

“DFO isumaKajuk ilauliaKilauttut taggami kingupvaniannimut kingungani 1996 ilanganituinnak piKataujut.  UKausingitigut DFO tamanna ilautitsijuk Nunatsiavut kavamanganik,” uKajuk Minister Shiwak.

 

“IsumâlutiKammagikKugut atuinninganik LIFO maligatsanga ilauKataunittini taggami kingupvanianimut,” ilagiatsijuk Minister. “DFO  tugâgutiKagialet ânanaulutik sulijutsalutillu nunamik satusaisimannimut angiKatigegutittinik, amma kingupvanik pigunnanivut  pejattautuinnatinnagit tamakkua angiKatigegutivut tukiKaniagunnaitillugit.”

 

 

Kaujisapviugunnatuk:

Bert Pomeroy
Director of Communications
(709) 896-8582
bert_pomeroy@nunatsiavut.com