Tallimangani katimasimajut Ungavami Tuktulittâdlutik NunaKakKâsimajut pitsiasimajut

KUUJJUARAPIK, QC, May 29, 2014 /CNW/ – NunaKakKâsimajut katimasimajut Kuviasujut Kaujititsigiamik tallimangani katimasimanimminik Whapmagoostui – Kuujjuarapimmi Mai 21 ammalu 22, 2014-mi pitsiasimajut ammalu piujumik pivallisimajut piulimatsiagiamut Ungava tuktunginnik.

Taimanganit katimasimaniammat UPCART Januar 2013-mi Kuujjuami, piggagasuasimalittut kiggatuttet âkKisigiamut namminik piulimatsiutitsaminik ammalu kamagillugit ilingajut ilikKusinut ammalu inosinnut pitjutautillugit tuktuit ammalu niKitsanik sakKititsigiamik kiggatuttet sulijugijautsiajut.  Tamakkua piggagasuanniujut uKautausimajut NunaKakKâsimajut katimajinginnut katimatillugit sakKisimajut nunguvallialinningit omajunniatauKattajut UPCART kiggatuttinginnit George River Tuktunginnik, uKumaittumelimmata ullumi.

“Taimanganit 18 takKiusimalittuni katimagiasilaummatanit, kiggatuttingit UPCART kajusijut pivalliagiamik ikajuttigennimik pitsatunitsamillu katimanimmini.  Tamanna sakKititsivalliajuk  piujunik, ammalu tatigijakka pitsialânnitinik takutitsigiamut sivukkatagiamik aulatsiluta Ungava Tuktunginnik”, Sarah Leo, AngajukKâk kavamangani Nunatsiavut ammalu Itsivautak UPCART-tikuni.

UKâlaKatigennet pitjutigillugit Leaf River Tuktungit kiggatuttinginnut UPCART katimaKatigesimalaummijut, kiggatuttet uKagiallalauttut nagvâgiaKaningit asitsaugajattunik pitâgiamut pimmagiujunik niKitsaugajattunik sulijugillugit inosingit nunalinni, Katsiumangâta inungit ammalu nunanginni kamagigialingit.

“AtuKatigennik pitsatujumik ilikKusiujumik illigijanga InuKutitta, ammalu pimmagiuvuk angiKatigenitsanginnut akungani kiggatuttet Kanuk kamatsiagiamut tigulallutik niKitsaugajattunik ammalu tigumiallugu ilikKusigijavut ilagennitini paitsilutalu piulimatsilutalu Ungava Tuktunginnik”, Adamie Delisle-alaku, AngajukKâp Tullia, Asitâttaugunnatunik Pivianattunik, Makivik kuaparesangani ammalu ItisivautauKataujuk UPCART-kuni.

UPCART kajusijuk suliaKaninga pivalliagasuannimut asikKitailigiamut pannaigutimmik Ungava tuktunginnut ammalu kamagijauniattuk pititsitillugu piulimatsigasuanningit NunaKakKâsimajut ikajuttigellutik ammalu sulijugillugit tuktuit.

Taimali, UPCART kamammijuk suliatsanginnik Torngat Omajuligijingita, Pannaigutinik ammalu Oganniaganik SuliaKattingit, ilausimajut katimajuni ammalu sakKititsilauttut piujummaginnik uKautjigiagutinillu aulatsigiamut Ungava Tuktunginnik.

Pitjutigillugit Ungava Tuktungit NunaKakKâsimajut katimaningit
Ungavami Tuktuit katimanimmut kiggatuttingit ukua:  Inuit Nunavimmit, Inuit Nunatsiavummit, NunatuKavut Nunalet kaunsalingit, Naskapi Allait Kawawachikamachimit, katimajingit Allait Cree of Eeyou Istchee/Allangajuit Avittusimajungita Pitsatunilingit (GCCEI/CRA), Innu Allait Labradorimit ammalu ilonnatik Innu nunalet Quebec avittusimajunginnit.