Winston White pimmagittumik ikKaumajautsiatuk

Joni 17, 2014
Tapvainak Tusagatsaujuk

Nunatsiavut AngajukKânga Sarah Leo uKajuk Labrador  initsaKainnaniattuk piujumik  umunga  Winston White, pillagilaummat nunatuKagijamminut.

“Winston sulijumik innigijautsialaukKuk Labradorimut,” uKajuk. “Kaujimajautsialauttuk ilonnâini nunagijaujuni, piluattumik Nunatsiavummi, amma aliagijaKammagilluni Labradorimik amma piluattumik Inunnut ilinganniminik.”

Mr. White ajulisimalauttuk Fraitâgimi KanimmasiKakKâluni kânsamik. 72-nik jâriKalilauttuk.

Tusagatsaligijiulauttuk, allatiulluni amma nunalinnik ikajugasualluni, Mr. White suliaKakKamiulauttuk Aulatsijiulluni Tusagatsaligijinni Labrador Inuit katutjiKatigenningani, pimmagiKataulluni Kaujimatitsigiamik atitâttauninganut AngiKatigellagigatik AngiKatigegutimmik Labradorimi Inuit Nunamik Satusasisimanimut AngiKatigegutinganut.

Mr. White ilitagijautsiamijuk uKausitsaliusimannimut taijamik  “The Big Land”,  taisilluni Labradorimik.

“Winston ilinganniKatsialauttuk atâtangata nunatuKanganut,  upaKattalugu Kangauligaimmat,” uKajuk AngajukKâk Leo. “Allât, piggagasualauttuk nunagijamminik ilitagijaukKulugu siagunitanit nunausimanninganik amma, atausialluni, pigasualauttuk Kanuttogutilinnik tusugijalinnik sakKiKullugu.

“kiggatullugu Nunatsiavut kavamanga amma Labradorimi Inuit, kitsaKatauvugut Winston ilagijanginnut amma unuttunut ilannâginnut, ” ilagiatsijuk AngajukKâk . “kingomajaullaginniatuk, tâvatuak ikKaumajautsialuni.”

Kaujisapviugunnatuk:

Bert Pomeroy
Director of Communications
(709) 896-8582