kenaujait

kenaujatit atunningit
Namminik kavamaulluni, kamatsiajuk kenaujattinik piguvalliajunillu aulatautsiadlutik pigunnausimitut. Aulatsisianikkut kenaujaliujattinik, pitaKattisigunnavugut ikajuttaugutinik suliatsanillu avittusimajuni piguvalliatidlugit.

Nunatsiavut kavamanga kenaujattâKattavuk adjigengitunit.  Labradorimi Inuit Nunamik Satusaijet AngiKatigegutinga, ilonnangittitut angiKatigegutittitut, ilautitsivut katillugit nottitaugialinnik Kaujimajauluajut akiliutet kenaujait asiujisimanimmut ammalu atausiallutik atuttauliaKititsinimmut kenaujanik.  kenaujait pitâgijausimajut sivullipâni senani jârini akuninogiaKavut, Nunatsiavut kavamanga atugumalluni atutsialugit piguvalliatillugillu.  Tâkkua dâlait aulatauKattavut atâni maggok kenaujakkuvek.  Labradorimi Inuit Nunamik Satusaijet Satusasimajangita kenaujakkuvingata kenaujanginnik ammalu Labradorimi Inuit Nunamik Satusaijet AtuliaKititsinimmut kenaujakkuvingata kenaujanginnik.

Labradorimi Inuit Nunamik Satusaijet AngiKatigegutinga unuttunik angiKatigeKagiallavuk, ilauttilugit jârimi kenaujanut angiKatigegutik federal kavamangani.  Nunatsiavut kavamanga namminik kenaujanut angiKatigegutiKammijuk, tâksinut akiligialet angiKatigegutinganik, ammalu income tâksinut GST-nullu tigulaKattajut angiKatigegutingani.

Namminik kenaujait Nunatsiavut kavamangata tigulaKattajangit atudlugillu kiggatullugit Labradorimi Inuit. Tamakkua kenaujait pitâgijauKattajut federal ubvalu prâvinsiup kavamâginnit. Namminik kenaujait ilautitsivuk federallimit ammalu namminik income tâksinut akiligialet atuttauKatigeKattavut kavamanganut Canada, kenaujaliugiamut kenaujait, piguvalliajut kenaujait. Atâni angiKatigegutittini kavamangani Canadaup implaimantinik kântraktisinimmut ilijauKattaniattut namminik kenaujaliugutittinut.

KaujisagiallagunnaKusi, takugit Iluani kavamait NunaKakKâsimajuillu Suliatsanginni Tilijaumajuni Kagitaujangagut.

Nunatsiavut kavamanga suliaKajuk takutsaugiamut tatigijaugunnalunilu, piujumik pigiamik aulatsiluni. Tamanna pitsianiappat, kavamak maliKattavuk pijaugialinnik uKautaujuit Labradorimi Inuit Maligatsasuangani ammalu kenaujanik Aulatsigiamut PikKujangani. Tamammik uKautaujok kamatsiagiamut ammalu maligatsanik Kujanâtuinnalugatik, aulatsinik, aulallugillu ilonnatik kenaujanut ilingajut kavamami, ilauttilugit kenaujattâgijauKattajut, jârimi Kaujititsiutet, ammalu Kimiggutaumangitut kenaujanut Kaujititsiutet.

SuliaKapvik kamatsiaKattavuk nâmmatumik kenaujanut atuttaugialinnik aulatsilutillu ammalu ilonnatik kenaujattâgijauKattajut kamagijautsialutik aulatsialugillu ilonnatik suliaKapvet pigijangit ammalu kenaujanut ilingajunik Kaujimattisitsialutik ikajutsilugillu.

Pitjutigillugit TâksejattaugiaKanik

GST/HST maligatsatigut pitaKatatisingilak tâksinik pejaipviugiangit immigojuit, ammalu nallituinnangit kârditigut pejaigumajut sulingitut. Taimaigaluattilugu, immigojuit Allait atâni Allait PikKujangani akilegiaKangitut GST/HST pisiniagamik niuvianik atâni nallituinnagita atuttaugialet.

Tâksinik pejaipviuKattangitut Ikajuttaugutilet Labradorimi Inuit Nunamik Satusaijet AngiKatigegutinganit atâni piusiujuit.

KaujisagiallagunnaKusi, takugit Canada Revenue Agency website.