kenaujaliugiamut Pivalliagutik

Ilingajut pitsiasimaninnut
Piggagasuannitinni kamatsiagiamut Nunamik Satusaijet AngiKatigegutinga malittauKattavuk, ulinnaisidlutalu piusiujunik piusiumititsigiamut kenaujaliugitik pivitsagijangit inuKutitta.

The Nunatsiavut Government is determined to use the provisions of the Land Claims Agreement to create long-term benefits and meaningful employment and business opportunities for our Beneficiaries.

SuliaKapvinga Ilinnianimmut kenaujaliugiamullu Pivlaliagutinik kamagiaKavuk aulatsiluni kenaujaliugiamut pivalliagutinik nutânillu namminik kenaujaliugutiujunik sakKititausimajunik Nunatsiavut kavamangani.  SuliaKapvik suliaKaKattiKaKattavuk asinginnik suliaKapviujunik, sollu Nunanik Pivianattunillu, ulinnaisigiamut piunippaujunik pivitsaujunik atugiamullu Inuit pivianattunginnik oganniagiamut, ujaganniagiamut, niuggutuliginimmut, suliaKautitsanillu, ammalu unuttunik.  Atullugit namminik kenaujaliugutilivut pivallianik katutjiKatigengit, Labradorimi Inuit Pivalliatitsijingita kuaparesanga, Nunatsiavut kavamanga pannaigutiKavuk piguttisivalliagiamut pivallianiujunik kajusijumik attutauningit ammalu ikajuttaugutinginnik Labradorimi Inuit.

SuliaKapvinga kamagiaKavuk ulinnaisilluni kamagillugillu sakKititaumajut piusiumititsigiamut pivitsaujunik suliatsatigut ammalu namminik kenaujaliugutittâgumajunut Labradorimi Inuit.  SakKititaumajut imailingajut:

  • Unutsitivallialugit Inuit ilauKataujut suliaKattini;
  • Kamagitsialugit Inuit suliatsatigut ammalu namminik kenaujaliugiamut ilauKataujut ukutigonak Attutaunimmut Ikajuttaugutinut AngiKatigegutimmi;
  • PitaKattilugit atugunnatanginnik ilinnianimmi, piguttisivallianik pisiniaKattanillu suliatsani;
  • Ikajullugit piusiumitillugillu Labradorimi Inuit namminik kenaujaliugutilingit ukutigonak Nunatsiavut Namminik kenaujaliugiamut SuliaKapvingani.