Labradorimi Inuit Nunangit

Adjinguanga angijummagiup nunaup
PivianattuluviniKatillugu atuinnaujunik iluani Nunatsiavut avittusimajunginni, aulatsisiagiamut nunamik ilingajunik tamâginnut atuKattajanginnik inuKutitta ammalu asingita ilauKataujut angijummagimmik sivullipautijaugumajut.

Nunanik SuliaKapvik kamagiaKavuk aulatsiluni atugiamut pitâsongugiamullu Labradorimi Inuit Nunanginnik.  Labradorimi Inuit Nunangit uKautauvut iluani Labradorimi Inuit Nunamik Satsaijet AngiKatigegutingani.  Iluani Nunatsiavut, Labradorimi Inuit namminiKavut 15,800 square kilometresinik nunami.  Iluani Labradorimi Inuit Nunanginni, 3,950 square kilometres uKautaugiallajut Pimmagittumik AtuttauKattajut Nunait, tukiKavuk Inuit ilonnâgut pivitsaKavut namminiKagiamik ujaganniaganik ammalu 25 percent namminigillugit Kanuttogijaujut nunaup Kânganejut pivianattuit tamâni nunami.   Pimmagiuvuk Kaujimagiamut unuttunik allasimajuKavuk AngiKatigegutimmi uKautiKajuk kinakkut atugajammangâta Labradorimi Inuit Nunanginni, sunamut, ammalu atâni sunait maligatsait.  SuliaKapvik sakKititsigiasijuk nunanik aulatsivitsamik kamagiamut ilingajunik AngiKatigennitini, paigillugit atulukattautailiKullugit nunait pivianattuilu.

 

Nunamik Aulatsivillagik

Labradorimi Inuit Nunamut PikKujanga aulatsiKattavuk suliaKapvilagimmik aulatsidlunilu Labradorimi Inuit Nunanginnik Labradorimi Inuit Satusasimajanginni Nunani. Nunanik SuliaKapvik SuliaKapvimi Nunanik Nunamilu Pivianattuk sakKititsisimajuk tatattuganik ilitagijaugummut aulatsivillagimmi ilonnanik Kinugautinik Kanuttojunut Labradorimi Inuit Nunanginni. Ilonnatik Kinugautet namminik Kanuttojunut Labradorimi Inuit Nunanginni kamagijaugiaKavut Tatattugattigut Ilitagjaugutittigut. Minister Nunanut Nunamilu Pivianattunik uKaKattavut Kanuk pijutsaumangâta ilonnaini Kinugautinik namminik Kanuttojunut Labradorimi Inuit Nunanginni.

kisimi inigijaujut Labradorimi Inuit Nunanginni ilitagijaujut atâni Inuit maligatsanginni ukua:

  • Inuit akiKangitunik tigumiajut, inosinginni illungit, aktasiat, nunamik atugiamut pigunnautet, asingita pingit, allataumajut mikigiannivet, ammalu uKumaitsanattuit.
  • Takulauguk Ilanga 4 Labradorimi Inuit Nunamik PikKujak Kaujisagiallagumaguvit adjigengitunik nunani akiKangitunik.

Kanuttoguvit pitâgiamik Labradorimi Inuit Nunanginni,  ilonnainut nunamik atugiamut tatattugak tatattutausimagialik tunijaullunilu Nunanik SuliaKapvimut isumatsasiugutitsautillugu angiutaugiamik.  Tunitjinet tattatugammik sakKititsivut Kanuttongitunik Labradorimi Inuit nunanik ammalu sakKititsingituk sivullipautijaugialinnik ilingajunik nunak Kinuagijauninganut.

KaujisagiallagunnaKusi aulatsivillagimmit aulatsijinginnik Labradorimi Inuit Nunamik, apitsulugu Nunanik SuliaKapvik.

Aulatsiji Nunanik Aulatsivimmi
Henry Shiwak
Nunanik SuliaKapvingani
SuliaKapvinga Nunanik Nunamilu Pivianattunik
Nunatsiavut kavamangani
P.O Box 26
Rigolet, NL
A0P 1P0
Fonninga: 709-947-3439 atugiallalugu 266
Sukkajuk: 709-947-3371
Kagitaujakkut: henry_shiwak@nunatsiavut.com