SuliaKapvimi Kanuilingauset

Avittusimajuttini inuKutingillu
Kanuttogutigijangit inuKutitta, ammalu sivunitsatini aivuttusimajutsavut, isumagillugu, Nunatsiavut kavamanga KiniKattavuk suliaKapvingani Nunait Nunamillu Pivianattunik sakKijânginnaniattunik aulatsigiamut asiangusottinik asiangutaugunnangitunillu pivianattunik.

SuliaKapvinga Nunanik Nunamilu Pivianattunik kamagiaKavuk ilonnanik pitjutaujunik ilingajunik paigijaugiamut, atugiamut, pivalliagiamut asiangusonik asiangutaugunnangitunillu pivianattunik Nunatsiavummi.  SuliaKapvik aulatsigiaKavuk sitamanik suliaKapvinik.  SuliaKapviup suliagigialingit kamatsialutik sakKijânginnaniattunik aulatsigiamut Nunatsiavut nunanginni nunamilu pivianattunik ikillitingimagillugit ikajuttaugutet pivallianimmit tamakkuninga pivianattunginnik Inuit.

SuliaKapviup kamagigialingit ukua:

  • Ikajutsilugit Nunatsiavut kavamangata suliatsangit ilingajut aulatsiKatigegiamut pivianattunik;
  • Ilingajut allataumajut Labradorimi Inuit Nunamik Satusaijet AngiKatigegutingani pitjutilet pivianattunik pivalliatauningit; piluattumik kapitallingit ukua:

4: Nunait Asiangutitaugunnangituillu Pivianattuit;

5: Imait Aulataunitsangit ammalu Inuit Imangita Pivitsangit;

6:  Imappik Aulatauninga;

8: Tasiujatsoak Nunanga;

9: Silatsualimâmi SilakKijapvet ammalu Paigijaujut Nunait;

10: Nunamik Atugiamut Pannaigutik;

11: Avatet Kaujisattauningit;

12: Omajuit Piguttuilu;

13: Oganniagait;

14: NiKitsatagiamut Akilittaugutet;

15: Nunait Atingit.

  • Aulatauningit Labradorimi Inuit Nunangit, ilautillugit Pimmagittumik Ilingajut Nunanut ammalu Imanut Tungavet;
  • AtuttauliaKininga Tasiujatsoak Attutaunimmut Ikajuttaugutinullu AngiKatigegutinga; ammalu
  • AtuttauliaKininga Torngat KakKasuanginni Silatsualimâmi SilakKijapvimut Attutaunimmut Ikajuttaugutinullu AngiKatigegutik.

Isumajâvit Kaujisagiamik Nunatsiavumme?

Nunatsiavut kavamangata Kaujisagiamut SuliaKapvinga sivullipaujuk Kaujisapviugiamu tilonnainut Kaujisagumajunut suliaKallutik Nunatsiavummi. KaujisagiallagunnaKusi, apitsulugu Inuit Kaujisagiamut UKautjigiajivut:

Inuit Kaujisagiamut UKautjigiaji
Carla Pamak
Fonninga: (709) 922-2942 atugiallalugu 225
Sukkajuk: (709) 922-2504
Kagitaujakkut: carla_pamak@nunatsiavut.com