Hopedali iniKajuk 140 maillinik Groswater Bay taggânejumi. Agvituk, pigiannimi Inuttitut Hopedaliup atigisimajanga, tukiKajuk "agviKautik." Morâviat misiuniligijingit Jâmanimit tikisimalauttut tamaunga 1782-mi ammalu kingunganigalâtuinnak atinga asiangutitausimakKotuk. 6 hontat 25-igalait tamânejut adjigengitut Inuit Kallunângajunillu sivulliKasimajut, ununningit ilaliugutiliutillugit Labrador Inuit katutjiKatigenninganut (LIA).

kenaujaliugutinnut Piniannigijaujut, Nigiunattuilu

Nunagijaujuk Hopedalimi sutaijattunik piusituKaKajuk ammalu ilusituKanginni Inuit atuKattatanginnik. Hopedalimi Misiunet illungit isumagijaujut nutaunginippauningit Kijujautillugit illuliuttausimajuni Quebeciup kitânejuni ammalu, taimaimmat, inigijanga nalunaikkusijaugutittâtasimalauttut Canadami Taimangasuanitaujunut Inigijaunninga. Taikkua Agvituk Taimangasuanitanik kamajiudlutik katimajet sakKititsisimalittut nutaungitunik takujapvimik piusigijauKattasimajunut Morâviat misiunningata inigijangani. Tainna nutaungitunik takujapvik atuttaulagiKattatuk niuggukattaKattatunut. Tamânimiut kenaujaliugutingita pivalliatitaugutinginnik pigiasiutigijausimajut ilautitsimijut katsungaittitaugutitsanginnik sananguagalattet suliaKapvinginnik, atuttaugumaluatillugit ujagannut sananguatauKattatut.

Nunaligijet Ikajotingit, PiKutigalangillu

AulatauKattatut nunaligijinnut kamagijauKattatut sepaudlutik kaunsalliuKataujunut. Akungani unuttut katingatiujut katutjiKatigenniujullu katsungainniKajunut piusititsivalliagiamik nunaminik taikkuangujut Annait katimattingit, Ilinniaviup katimattingit, Illuligijet katimattingit, Pilukâttisittailigiamut katimajet, Kinijattiudlutik Piuliniattet, Nâlautiligijet amma Pinguatet katimattingit taijaujut UjagaKutit Recreation Committee.

Sitamanik niuvipviKajut nunagijangani, tujummiuviKadlutik taijaujumik Hopedale Lodge atuttauKattatumik tujummiuvigijaudluni nigipviudlunilu. Sananguatausimajunik aullaiviKammijut.

Kanuittailigiamut ikajuttaugutet sakKititauKattatut tamainnut Labradorimi Kanuittailigiamut Ikajuttaugutinnut katimajet ammalu Labrador Inuit Inositsiagittotitsigiamut katimajinnut.

Ilinniavinga taijaujuk Amos Comenius Memorial School ilinniavigijauKattatuk tamâni nunalinnut. Inuttitut ilinniatitaujuKaKattavuk tikidlutik grade nainamut. Ammalu, Inosimmi Ilisimajaugialinnut ilingajuk ilinniatitauKattamijuk tamânimiunut ilusituKammi sananguagalannimut, illuvigaliunimmut, Kamutiliugiamullu.