Inuit NiKitsatagiamut Oganniaganik

Labradorimi Inuit Nunamik Satusaijet AngiKatigegutinga uKajuk ilonnatik Ikajuttaugutilet pivitsaKanninginnik niKitsatagiamik Kangatuinnak jâri nâllugu Labradorimi Inuit Satusasimajanginni Nunani.  Ilonnatik Ikajuttaugutilet niKitsatasot Kanuittutuinnanik oganniaganik ubvalu imammiutanik pigusonik, kavisilinniungituinnatuk.

Kinalonnet inut aullaigunnangituk oganik ubvalu imammi pigusonik niKitsatasimallugit.  Taimaigaluattilugu, Ikajuttaugutilet pivitsaKajut aittuigiamik niKitsatasimajaminik asiminut nunaKakKâsimajunut ammalu/ubvalu tautsegutigillugit, tautselutik ubvalu pisiniallugit akunnimini.  Ammalu, Labradorimi Inuit Ikajuttaugutilet pivitsaKajut aullatitsigiamik niKitsatasimajaminik silatinganut Labradorimi Inuit Satusasimajanginnit Nunanit asinginnut Inuit ubvalu nunaKakKâsimajunut, malillutik ogak ubvalu imammiutak pigusok aullatitaugasuajuk ulinnaitausongutuappat niKitsatattausimaninga Inuit NiKitsatasimajanginni Oganniagani.

kavisilinnianik

kavisilinnianik adjigeKattangituk jâri tamât, pigiasiKattagaluadluni pigianningani Joli nâninganut Auggos, akuniutigijuk maggoni takKeni.

AsikKitailinimmut kamajet

KaujisagiallagunnaKusi pitjutigillugit Inuit NiKitsatasongit Oganniagait, apitsulugu nunatsini AsikKitailigiamut kamaji:

Nain
Simon Kohlmeister
AsikKitailigiamut kamaji
(709) 922-2942 atugiallalugu 237
simon_kohlmeister@nunatsiavut.com

Hopedale
Ian Winters
AsikKitailigiamut kamaji
(709) 933-3777 atugiallalugu 228
ian_winters@nunatsiavut.com

Postville
George Gear
AsikKitailigiamut kamaji
(709) 479-9763
george_gear@nunatsiavut.com

Makkovik
Errol Andersen
Aulatsijinga AsikKitailigiamut kamajet
(709) 923-2365 atugiallalugu 226
errol_andersen@nunatsiavut.com

Rigolet
David Wolfrey
AsikKitailigiamut kamaji
(709) 947-3542
david_wolfrey@nunatsiavut.com

Upper Lake Melville
Joseph Townley
AsikKitailigiamut kamaji
(709) 896-8582
joseph_townley@nunatsiavut.com

North West River
Dean McLean
AsikKitailigiamut kamaji
(709) 497-8725
dean_mclean@nunatsiavut.com

AullaigatsataKattanik Oganniaganik

Nunatsiavut kavamanga tigumiaKattavuk pijaugialinnik maligatsaKatillugit KatsiugiaKammangâta aullaigatsait oganniagait adjigengitut.  kamagiaKavut pingasuilingajunik katutjiKatigenik, ilautillugit ikillititausimangimagillutik ukua:  putjotivait, natânnait, ammalu kingupvait.

Nunatsiavut kavamanga aittuiKattavut immigojunik oganik pijaugialinnik aullaigatsatanninginnik oganniaviutillugu, adjigeKattangimmijut jâri tamât.

Kanuk IlauKataugajammangâppit

Isumatsasiugutaunitsait ilauKataugiamut Nunatsiavut kavamangat aullaigatsatattisitillugu oganniaganik pijausonik, KatsiugiaKammangâta ammalu laisinsinik, ukua maligialitit ilauKatausongugiamut malittaugialet:

  • IkajuttaugutiKagiaKavutit Labradorimi Inuit Nunamik Satusaijet AngiKatigegutinganut;
  • Tigumiallutit ubvalu sakKititsigunnalutit pannaigutinnik Aulatsijinganut Asiangutitausot Pivianattuit pitâgumaguvit Ilisimatsiajuit Oganniagiamut NiKitsatagiamut Nalunaikkutanganik II Ilitagijaugutimmik;
  • IlauKatausimallutit ilonnâgut aullaigatsatajuni oganniaganik ikinnisaungitunik pingasunit jârinit ammalu tigumiallutit Taggâni Labradorimi Atuttaugutimmik Kanuilingautimmik.

Sivungani AittotauKattsimajut Atuttausot

Ilonnatik inuit aullaigatsataKattasimajut sivungani Nunatsiavut kavamangani taijauKattaniattut imailingajumik:

  1. Sivullipautijaugunnatut, namminiKappata nâmmasiattumik nalunaikkutalimmik aulatsigiamut umiaminik pitaKatillugu atuttaugialinnik oganniagiamut;
  2. kingulliutijaugunnatut, pisisimagutik atuttaugunnatumik nâmmasiattumik nalunaikkutalimmik aulatsigiamut umiamik;
  3. Pingajuanegunnatut, namminiKappata nâmmasiattumik nalunaikkutalimmik aulatsigiamut umiamik ilauKataunialluni asiagut Nunatsiavut kavamangani oganniagiamut, pitaKangikaluappat atuttaugialinnik oganniataugumajunik;
  4. Sitamanganettitaugunnatut, akilesimappata pisisimallugu nâmmasiattumik nalunaikkutalimmik aulagianga umiamik ilauKataugiamut asiagut Nunatsiavut kavamangani oganniataugunnatunik, pitaKangikaluaguni atuttaugialinnik oganniataugumajunik;
  5. Tallimanganettitaugunnatut, akilesimagutik Atuttaugunnatumik namminilimmik nâmmasiattumik nalunaikkutaKalluni aulatsigiamut umiamik pitaKalluni atuttaugialinnik oganniataugumajunik;
  6. Sâksinganettitaugunnatut, akilesimagutik atuttaugialimmik Asianik akilesimajumik pisigiamut nâmmasiattumik nalunaikkutalimmik aulagianga umiak pitaKalluni ilanginnik atugatsanik oganniataugumajunik;
  7. Sepanganettitaugunnatut, akilesimagutik atugianga Ikajuttaugutilimmik namminik nâmmasiattumik nalunaikkutalimmik aulatsigiamut umiamik pitaKatillugu atugatsanik oganniataugumajunut;
  8. Âktanganettitaugunnatut, angiKatausimaguni kuapakkunut atugatsanik nâmmasiattunik nalunaikkutalinnik aulatsigiamut umiamik pitaKalluni atugatsanik oganniataugumajunut;
  9. Nainanganettitaugunnatut, akilesimagutik atugiamut nâmmasiattumik nalunaikkutalimmik aulagianga umiak pitaKatillugu atugatsanik ilauKataugiamut oganniataugumajunik.

KaujisagiallagunnaKusi ottugiamut nallituinnanginnik ubvalu apitsotitsaKagutsi, apitsulauguk Aulatsiji Asitâttausonik Pivianattunik:

Todd Broomfield
Aulatsiji Asitâttausonik Pivianattunik
SuliaKapvingani Nunaligijet Nunamiutanillu Pivianattunik
Fonninga: (709) 923-2365 atugiallalugu 227
Sukkajuk: (709) 923-2366
todd_broomfield@nunatsiavut.com