Ikajuttaugutilet Nunatsiavummi pivitsaKavut niKitsatagiamik omajunik piguttunillu Labradorimi Inuit Satusasimajanginni Nunani.  Ikajuttaugutilet niKitsatagunnaKut ilonnâgut Labradorimi Inuit Satusasimajanginni Nunani Kangatuinnamagik jârimi kisiani ilanginniungituinnatuk;

  • Inuit maligatsanginni atâni allasimajuk 12.7.1 LILCA-kuni;
  • MaligatsaKappata omajunniaviutillugu papvisâgiaKangitut AsikKitailinimmik atâni Maligatsani Ilonnainut Ilingajunik;
  • ubvalu Federal Maligatsanginnik Kukiutikkasongugiamut.

Nunatsiavut kavamanga aulatsiKattavuk niKitsatagiamut pivitsaujunik kamagijaugialinnilu Labradorimi Inuit Nunanginni.  kavamanga Newfoundland Labradoriullu aulatsiKattavuk niKitsatagiamut pivitsaujunik kamagijaugialinnilu silatingani Labradorimi Inuit Nunanginni, ammalu asinginnik omajunik ilauKattajunik killinginni.  kavamanga Canadaup aulatsiKattavuk niKitsatagiamik pivitsaujunik kamagijaugialinnilu tingmianik ammalu imappimiutanik oganniaganik anginitsanillu omajunik.

Katillugit Pijaugunnatunik NiKitsatagiamut âkKisisimangipata, Inuit pivitsaKajut niKitsatagiamik pigumatuinnataminik omajunik piguttunillu pitâgigiaKagunigik ilaminut niKitsautillugit, Kiujagekkutiullutik, inutigut, ammalu ullusiugutitsagigutigik, nanituinnak Labradorimi Inuit Satusasimajanginni Nunanni, Kangatuinnak jârimi.

AsikKitailigiamut isumagijauppata, prâvinsimi kavamanga âkKisigunnatuk katillugit pijaugunnatunik niKitsatallugit piluattumik nallenik omajunik.  katillugit pijaugunnatut niKitsatagiangit ilingavut Kaujisannimut Kaujimajaunitsanginnut omajuit kititangit ammalu Katsinik niKitsatasongummangâta omajunik sakKijânginnaniattunik.  katillugit pijaugunnatut ikittopata Inuit niKitsataKattaninginnit, Nunatsiavut kavamanga kamagiaKavuk pijaugunnatunik niKitsatanitsangit Ikajuttaugutilet.  Tamanna taimaigajattuk aittuilutik nalunaikkutanik, âkKisillutik niKitsatattaugunnatunik nunalinni, ubvalu âkKisillutik niKitsatagiamut Kanuilinganitsanginnik atunit Ikajuttaugutilet ubvalu illumiuKatiget.

Inuk atugunnaKuk pinasotinik ubvalu sunanik niKitsatagiamut omajunik kisiani imailinganiagutik:

  • IkKasuniagutik;
  • SiKumitsiniangikutik NiKitsatagiamut maligatsanik piusiugialinni ubvalu sunanik atugialimminik NiKitsatagiamut papvisâgingimagillutik Nunatsiavut kavamanganik;
  • SiKumitsiniangikutik Maligatsanik Ilingajuni Tatattugannut pitjutigillugit inuit inositsiagittonitsanginnut ubvalu inulimât pilukattautailinitsanginnut;
  • ubvalu Piungilititsiniangikutik aulatâgillutik avatinik.

PijaugiaKangitut Omajuit

Ukua omajuit ulugianattumejut ammalu pijaugiaKangitut niKitsatagiangit:

  • Kotsiutet (kotsiutet)
  • Mealy KakKasuanginni Tuktuit
  • Eastern Wolverines

Katillugit Pijaugunnatut NiKitsatagiangit

Mai 2012-minit, Nunatsiavut kavamanga âkKisuisimajuk uKautjigiagutinik niKitsatagiamut malittaugialinnik ammalu pinniatauvigigunnatanginnik adjigengitunut omajunut:

Moose

katillugit 28 moose laisinset atuinnaujut ammalu atinik tigusiKattajut tamakkununga ammalu niKitsataniattilugit Nunatsiavut Ikajuttaugutilingit, kititaKatillugit adjigengitunik atunit nunalet:

  • Nain: sitamat
  • Hopedale: sitamat
  • KipukKak:  sitamat
  • Makkovik: sitamat
  • Rigolet: sitamat
  • Upper Lake Melville: pingasut

Kaujimagitsi: LaisinsiKagiaKavusi omajunniagiamik moosenik.

Nanuit

Nanuit omajunniatausot Fevruar 1-mit Joni 30-mut atunit jârimi.  katillugit suvailfait nanut pijaugunnatut Nunatsiavummi kititangit adjigengitottilugit atunit nunalinni.

  • Nain: pingasut
  • Hopedale: pingasut
  • Makkovik: maggok
  • KipukKak:  maggok
  • Rigolet: maggok

Kaujimagitsi:  LaisinKagiaKavusi Nanunniagiamik.

Tingmiat

UKautjigiagutik âkKitausimajuk Upingasâmi omajunniagiamik tingmianik.  Omajunnianik nâjiKattavuk Mai 19-mi Upper Lake Melvillemi ammalu Mai 26 Labradorimi Inuit Satusasimajanginni Nunanni.

Inuk omajunniagunnaKuk sitamanik Canadamiunik nigilinik ammalu âktanik tagiungungitumiunik mitinnik ammalu tingmianik atunit illumiuKatiget.

KaujisagiallagunnaKusi Kanuk laisinsittâgiamik omajunniagiamut omajunik, apitsulauguk nunatsini AsikKitailigiamut kamaji:

Nain
Simon Kohlmeister
AsikKitailigiamut kamaji
(709) 922-2942 atugiallalugu 237
simon_kohlmeister@nunatsiavut.com

Hopedale
Ian Winters
AsikKitailigiamut kamaji
(709) 933-3777 atugiallalugu 228
ian_winters@nunatsiavut.com

KipukKak
George Gear
AsikKitailigiamut kamaji
(709) 479-9763
george_gear@nunatsiavut.com

Makkovik
Errol Andersen
Aulatsijinga AsikKitailigiamut kamajet
(709) 923-2365 atugiallalugu 226
errol_andersen@nunatsiavut.com

Rigolet
David Wolfrey
AsikKitailigiamut kamaji
(709) 947-3542
david_wolfrey@nunatsiavut.com

Upper Lake Melville
Joseph Townley
AsikKitailigiamut kamaji
(709) 896-8582
joseph_townley@nunatsiavut.com

North West River
Dean McLean
AsikKitailigiamut kamaji
(709) 497-8725
dean_mclean@nunatsiavut.com