Angnigusunnik kiggatujutsanik Nunatsiavut katimajitsuanginni

Nunatsiavut kavamanga KanuttoKujijuk Ikajuttaugutilinnik angnigigatsaugiamut ammalu angnigusullutik angnigusupviup ullungani.

Kiggatuttisait tigulajauKattavut kiggatuttaugialinni Nain, Hopedale, KipukKak, Makkovik, Rigolet, Upper Lake Melville ammalu Canadamit. Maggok itsivautâk atuinnâk Nainimi, Upper Lake Melville ammalu Canadami, atautsik itsivautak atuinnautillugu ilonnaini asinginni kiggatuttaugialinni.

Angnigusunnet angmalâttut âktamit ullâkut âktamut unnusami Mai 6-mi. Sivungagut angnigusulâttut Âprel 28, 2014-mi, akungani sitondingit âktamit ullâkut ammalu âktami unnusami.

Nunatsiavut katimajitsuangit katiKattavut sitamaittudlutillonet jârimi Hopedalemi. kiggatuttet kiggatuKattavut Inunnik kiggatuttauvigigialimmini, ammalu kiggatugunnatut Nunatsiavut AngajukKaunet katimajinginni.

Angnigusugiamut Malittaugialet Maligatsailu

  • Ilonnatik Ikajuttaugutilet 16-nik jârilet jârikKutunitsailu angnigusunnatut ullungani angnigusupvimi ilaugunnatuagutik angnigusujuni.
  • Angnigusugiamut angnigusupvimi kiggatuttaujuni, Ikajuttaugutilik iniKagiaKavuk kiggatuttaugialimmi.

*AngnigusupviKalângitut kiggatuttaujuni Canadami taimaigaluattilugu, angnigusugunnaKusi allalitsijutigut. KaujisagiallagunnaKusi, apitsulugu Nunatsiavut Angnigusujuni kamajinga, Jack Shiwak uvani 709-947-3494, ubvalu jack_shiwak@nunatsiavut.com.

Angnigigatsaugumajut

Angnigigatsaugumajut kiggatuttiugiamik matulâttuk Âprel 2 suvaimi ullukut Atlantic Sitondingani. IlauKataugiamut angnigigatsaugiamut imailingagialik:

  • Angnigatsaugumajut IkajuttaugutiKagiaKavut Labradorimi Inuit Nunamik Satusaijet AngiKatigegutingani, 18-nanik jâriKallutillonet angnigusupviup ullungani.
  • Angnigatsaugumajut iniKagiaKavut kiggatuttamini angnigigatsauvigisimajamini.
  • Ikajuttaugutilet pejaugunnatut angnigigatsaugiamut kiggatullutik imailingagutik, angnigusupviup ullungani, angutik ubvalu annak imailingappat:

a) AngajukKânguppat ubvalu Itsivautauppat Inuit Nunalet kuaparesangani;

b) tilijausimallutik ubvalu kiggatullutik Nunatsiavut kavamangani ammalu akilittutaullutik tilijausimanimminut ubvalu suliagijamini;

c) kiggatuttik kavamami ubvalu Illusuangani katimajitsuat ubvalu Senatoriullunilo;

d) isumaKatsiangitoppat;

e) kenaujaigutisimalluni;

f) inuk pasigatsaliangusimalluni maligatsanik siKumitsisimanimmut ammalu pasijaugutinga pijagesimalluni tallimani jârini sivunggut angnigusupviup ullungani ubvalu pasigatsaliangusimallutik uKinnisamik maligatsamik ammalu pasijaugutinga suli pijagengipat; ubvalu

g) inuk akilitsaKappat akiligialiminik tâksinut Nunatsiavut kavamanganut ubvalu Inuit Nunalet kavamanganut.

KAUJISAPVIUGUNNATUT

Apitsulugu

NUNATSIAVUT ANGNIGUSUJUNIK SULIAKAPVINGA
P.O. Box 83
Rigolet, NL A0P 1P0

SuliaKapvimi Sitondingit
Montâgimit Fraitâgimut, nainaliak agvamit ullâkut finfiliak agvamut ullukut.

Fonninga: 709-947-3493
AkiKangituk: 1-844-343-5672
Sukkajuk: 709-947-3417
Kagitaujakkut: jack_shiwak@nunatsiavut.com

Pimmagittumik AllaKutet