KipukKak pigiasisimajuk niuvipviKapviudluni pigiannimi taijauKattasimajuk "the Post.Ó Nunalet 250-tiujut iniKadlutik 25-ini 30-nillonet mailini iluani Kaipokok Bay, tingijokkut 1 hontat 10 mailini taggami-taggangata kitânedluni Goose Bay-mit.

Sivullipâk Kallunâk Kaujijausimajuk Kaipokok-imi niuvittiusimajuk Quebecimiuk atilik D.D. Stewart niuvipviKasimajuk taitsumani aullainiadlugu HudsonŐs Bay kampaninganut 1837-nimi. kenaujaliugutinnut Piniannet, Nigiunattuilu

kenaujaliupvigijaudlutik atuttauluaKattatut sakKititausimajut KipukKami ukuangujut: maggok sunatuinnanik niuviatsaKaKattatok; atautsik niuvipvik (Labrador Investments); tallimanik illugusilik tujummiuvik atuttauKattatuk tujummiujunut nigipvigijaudlunilu; sananguatausimajunik aullaivik atigitsajanik, mitsutausimajunik, Kitungangualiuttausimajunillu. Nunalet kaunsallinga ikajuKattatut tamânimiungujunik ammalu sakKititsisimadlutik kenaujaliugutinnik Pivalliatitsijiudlutik katimajinik. Piujullagimmik niuggukataKattatunut kenaujaliugutiKasongunninga nigiunattojuk. KipukKaup KakKasuangit, ingigganittut kongit ammalu napâttuluviningit angiggagijaujut adlanut, tigigannianut, amagunut, tuttunut amma mosinut. Ukautigijausimajuk piunippaujunik koKanninga atuttauKattatunik Imappimiutanut kavisilinnut. Aulsaujapviusongugami iKalunik, idlonillu, nigiunattulagiummijuk sakKititsisongugajanninga silatsuami piunippauKataujunik aulsaujagiamut aullâsimapvinik.

Nunaligijet Ikajotingit PiKutigalangillu

KipukKak pigiannimi ukiumi aullâsimapviuKattasimajuk ikittunut ilagenut, inungit unutsivallialiaKisimaniadlutik 1951-nami ilinniavik, katimmavillu sanajaummânik. KipukKami ununninginnut uppigusigijaujuk Pinticostik. Ilinniavinga 60-nut ilinniavigijauKattatuk pigiasitainnatunit grade 12-imut tikidlutik tallimanik ilinniatitsijiKadlutik.

Kanuittailigiamut paigijauKattatut ânniasiupvingani paitsijimmut ikajuttinganullu.

Asingititut ilonnaita nunagijaujut Taggami Sadjugianginni Labradoriup, KipukKak akKutiKangituk atajumik asinginnut nunalinnut. Taimaigaluattilugu, nunalet mânnakut âkKisuisimalauttut sikitotigut akKutigijausomik atuttauKattatumik aijunut aullajunullu nunanganit ukiungutillugu.