Ujagannianimmut

Ujaganniagatsanik KinijattuKagumappat Labradorimiut Inuit Nunanginni pitâgiaKaKattalâttut angittaugutimmik tamainnut Nunatsiavut amma prâvinsiup kavamanginnut. Ujagannianimmik ingiggatitsinet maligatsaKattitauKattalâttut atâgut prâvinsiup maligatsangita.

Imak

Aulataugutinga atuttagusingalu tagiungungitop imiup iluani Satusaipviujut kamagijaulâttut atâgut prâvinsiup maligatsangita. Taimaigaluattilugu, Kinugautiliuttausimajut pivalliatitsigiamut sutaijattumik asiangutitsigajattut imaup anginigijanganik, piunigijanganik ammalu konnigijanganik Labradorimiut Inuit Nunagijanginni utittisipviKaKattagiaKalâttut Inunnut. kenaujaliugutigidlugit upvalu suliagijaujumi pivalliatitsijut atugumajut imammut pivianattunik Labradorimiut Inuit Nunanginni pitâgiaKaKattalâttut angittaugutimmik tamainnit Nunatsiavut amma prâvinsiup kavamanginnit. Inuit sivulliutitauKattalâttut imammik atuKattagiamut Labradorimiut Inuit Nunanginni.

Omajuit, Oganniagusellu

Labradorimiut Inuit pigunnatitaulâttut niKitsasiuKattagiamut omajunik, timmianik, ogagalannik amma pigugunnatunik omautitsagillugit ilonnâni Satusaipviujumi ammalu taikkuatollutik pivitsaKattitaullutik taimaittunut pivianattugijaujunut Labradorimiut Inuit Nunanginni. Prâvinsiup, federallelu kavamâgik tigumianginnaniattok kajusittitaugutinginnik kamagijaugutingita omajuit, oganniagaillu. Ikajuttigennikut Aulatsijiullutik katimajet, tilijaudlutik ilijausimajut federallet, prâvinsiup amma Nunatsiavut kavamanginnut, uKaudjigiagiKattalâttut kavamanik piulimajaugutingita amma pivianattutangita aulataugutinginnut iluanejuni Satusaipviusimajop. SakKijâgettut kenaujaliugutigidlugit oganniagusigijauKattatut amma pitaKatitsijet sujauniKalângitut AngiKatigegutimmut ammalu taimâtsainak ingiggatitausongullutik atâgut kinakkutuinnanut atuttaugiaKaKattatunik maligatsanik. Inuit killigiudjiviusimalâttut ilangaigutiKagiamut nutânik kenaujaliugutiKagiamut laisansinik Satusaipviujut iluani amma Kanitanganejuni imappini.