Atâgut Pijagellagittumik AngiKatigegutiup, Nunatsiavut kavamanga pitâsongulâttuk ukuninga:
- 25%-titut prâvinsiup kavamangata kenaujattâgiKattatanginnit ujaganniatauKattatunit pivianattunit Labradorimiut Inuit Nunanginni;
- 50%-titut sivullipânganit 2 miliun tâlamit prâvinsiup kenaujattâgisimajanginnit pitillugit Satusaipvigijaujop silatânejunit Inuit Nunanginnit; ammalu
- 5%-titut ilagiagutimmik prâvinsiup kenaujaliusimajanginnit iluani Satusaipvigijaujop silatânejuni Inuit Nunangita.
Kenaujaliuttausimajut Satusaipviujumi silatânejuni Inuit Nunangita nukKangattitaugutiKalâttut adjigettitaugutinga kenaujattâgijauKattatut Inuit Kaggusigasuangimut sanajauKattatunik ilonnainut Canadamiunut. Nunatsiavut kavamanga pitâttitaulâmmijuk 5%-titut prâvinsiup kenaujattâgiKattatanginnit Anattalâmi ujaganniaviujumit.
Nunamik Satusainnimut AngiKatigegutik pitaKammijuk federallinit nottaulâttunik akilittaugutinnik imailingajunik:
- 1 hontat 40 miliun tâlatut kenaujakkuvimmut ikajuttaugutitsanganik pigunnatilet ikajuttaugutiKagiamut Labradorimiunut Inunnut amma Kallunângajunut amma
- 1 hontat 32 milliun tâlatut Nunatsiavut kavamanganut atuliaKittitaugutitsanganut AngiKatigegutiup.
|
|
