Labrador Inuit Nunamut Satusajangita AngiKatigegutik atitātaulauttuk satusaijinnut LIA-kunut ammalu Prāvinsikkut Federellikkulu kavamanganinnut. piniannigigiaKalittanga LIA-kunut tānna allaKutik tunijaulluni Labrador Inunnut Kāngittitaunitsanganut. Labrador Inuit Nunamut Satusajangita AngiKatigegutik mānna atuinnaulittuk Kagitaujatigut. Wogini Kaijuni, Kaujigatsagiallanik KimiggulākKusi tamāni ilautillugit ullusagilāttangit nunaliujuni Kaujititsigiangit katimapvisanginnik, Kaujigatsait ilinganiKajunut LIA-kut ilaliugutilinnut ammalu atuinnaunigijanginnik naittotitausimajut allaKutet allatausimajunut tāpsuminga angiKatigegutimmik.

November 24-raminit December 8-timunut, satusaijet sivukkatingit Labrador Inuit katutjiKatigenninganik, Prāvinsikkunit Newfalāmi Labradorimillu ammalu kavamakkunit Canadami katimatitsigalalāttut nunaliujuni Kaujititsigalallutik uKālautiKagalallutik Labrador Inuit Nunamut Satusajangita AngiKatigegutingani. Tākkua katimannet pivitsaKattisilāttuk ilauKataujunut pivitsaKakKulugit apitsusongugalagiamik ammalu tukisigiallutillu AngiKatigegutimmik.

Ilonnatik uKālagiasilāttut sepami unnusame. Ullusagilāttangit Kaujititsigalagiamik imailingavuk:

Monday October 20	Happy Valley-Goose Bay LIDC Boardroom, 1-5:00PM and 7:00PM
November 24	Northwest River
November 25	Happy Valley-Goose Bay katimapvingani Friendship Centre-imi
November 26	Labrador West Carol Inn
November 27	Cartwright Parish Hall
December 02	Nain LIA-kut katimapvingani
December 03	Hopedale Amos Commenius Ilinniaviup Pinguavialungani
December 04	KipukKak Nunalet Hallingani
December 05	Makkovik Nunalet Hallingani
December 06	Rigolet Nunalet Hallingani
December 08	St. John's Holiday Inn, Salon F

Maunga nenillutit Kangattagammut (PDF-1.3MB)

LIA-kut ilaukKujitsiajut ilaliugutiKajunut KaujisagiattuKullugit ammalu ilaukKujijut Kāngittisigianimmut piusitsanganik.