Inovugut. InuKutivut piusituKavullu iniKasimalittut aujuittunejunik silatsuami ununnisani 5 tausindet jâret - Rusiamit kitânut ikâdlutik Alaskamut, ikâdlutik Canadaup tagganganejunik sadjugianginnut karârallet. kingulligijauvugut taitsumanitsuak taijausimajunut Thule, omajunniatet nusuttausimajut Labradorimut unuttunik apviKanninganut asinginnilu omajunik, Labradorimiut Inuit ilangiujut napvâKatausimajut Canadamik. Imappimiutaudluta inovugut, atautiKallagidluta avatittinik. Inuit piusituKangani, uKautiKaKattavugut "nunatsuamik" ilauKatautillugit nunait, Kilak, imaKapvet amma imappimejut inosittini tatigennasimajattini tausindigiallâni jârini. Taimangasuanit piusigisimajavut atuKattanivut asianguvalliajunik sakKititausimajunik atanittâmat, nokataKattanillu amma ulapitaugutigiKattatanginnik ilusituKatta. Unikkausiujuk Kanuk sakKititsigiallasimammangâtta aulatsinittinik piusituKattinik, kenaujaliugutittinik ammalu kavamaliginimmut sivunitsatini ammalu atuinnaguttisimalikKugut namminik kavamaKagiamut. Anginippautillugu unikkausiunninga katsungainniKallaginimmik.